BAKI, 21 dekabr - Sputpnik. Rayon Təhsil İdarələrinin yaradılması yerlərdəki təhsil şöbələrinin ləğvi demək deyil. Onlar sadəcə yeni yaradılacaq idarələrin tərkibində bir sektor kimi fəaliyyətlərini davam etdirəcəklər.
Sputnik Azərbaycan-ın məlumatına görə, bunu bu gün Təhsil naziri Emin Əmrullayev prezidentin təhsillə bağlı sərəncamlarına həsr olunmuş brifinqdə bildirib.
Nazirin sözlərinə görə, yeni idarələr təhsil fəaliyyətinin vahid formada olmasına təsir edəcək. Bu gün təhsil sistemi müəyyən səbəbdən mərkəzləşdirilmiş şəkildə fəaliyyət göstərir. Saat bölgüsü məktəb rəhbərliyi və ya Regional təhsil idarələrinin rəhbərləri tərəfindən həyata keçirilməlidir.
"Regional Təhsil İdrələrin növbəti həftələrdə və ya aylarda yaradılması nəzərdə tutulub. Bu prosesin təxminən iki ay müddətinə başa çatması nəzərdə tutulur", - Emin Əmrullayev Sputnik Azərbaycan-ın müvafiq sualını cavablandırarkən deyib.
Onun sözlərinə görə, vətəndaş məmnunluğu yüksəldikcə, gələcəkdə bir sıra səlahiyyətlərin həmin idarələrə verilməsi nəzərdə tutulur: "Qarabağ və Şərqi Zəngəzurda Təhsil idarələrinin yaradılması şanlı zəfərin bariz nümunəsidir".
Eləcə də oxuyun: