BAKI, 16 dekabr — Sputnik. Rəqəmsal İnkişaf və Nəqliyyat Nazirliyinin tabeliyində fəaliyyət göstərən "Azərpoçt" MMC tərəfindən türk dünyasının üç tanınmış aşığı – Azərbaycan aşıq sənətindən ilklərə imza atan Aşıq Ələsgər, qazax şairi Jambıl Jabayev və türk dünyasının böyük şairi, İslamın bir qolu olan sufizmin davamçısı olan Yunus Emrenin yubiley tarixləri ilə əlaqədar poçt markası dövriyyəyə buraxılıb.
Beynəlxalq Türk Mədəniyyəti və İrsi Fondu ilə bağlı poçt markası
© Photo : Ministry of Digital Development and Transport (Azerbaijan)
Nazirlikdən Sputnik Azərbaycan-a verilən məlumata görə, markanın üzərində hər üç aşığın portreti və Beynəlxalq Türk Mədəniyyəti və İrsi Fondunun loqosu təsvir olunub. 5 min tirajla çap olunan markanın rəssam-dizayneri Orxan Qarayevdir.
Poçt markası ilə yanaşı, 200 ədəd Birinci gün zərfi hazırlanıb.
Qeyd edək ki, marka Beynəlxalq Türk Mədəniyyəti və İrsi Fondunun sifarişi əsasında çap edilib.