BAKI, 29 noyabr - Sputnik. Alimlər bildirirlər ki, həmin meyvənin tərkibində zərərsiz kalium elementi ilə yanaşı, onun sağlamlığa mənfi təsir göstərən və ionlaşdırıcı şüalanma mənbəyi olan izotopu - kalium-40 da var.
Pekin Aeronavtika və Astronavtika Universitetinin alimləri Çjan Syaotyan və Lyao Tze bananın tərkibindəki radioaktiv elementlərin insan sağlamlığına müəyyən təhlükə yaratdığını bildiriblər. Sputnik Azərbaycan RİA Novosti-yə istinadla xəbər verir ki, alimlərin bu barədə fikirləri “WeChat” nəşri üçün yazdıqları məqalədə öz əksini tapıb.
Çinli alimlər bildirirlər ki, bananın tərkibində adi zərərsiz kaliumla yanaşı, onun sağlamlığa mənfi təsir göstərən, ionlaşdırıcı şüalanma mənbəyi olan izotopu - kalium-40 da var. Bununla belə, sözügedən meyvənin tərkibində həmin maddənin miqdarı o qədər də çox deyil.
“Bir banan yeməklə alınan şüalanma dozası təxminən 0,0778 mikrozivertə bərabərdir. Müqayisə üçün qeyd edək ki, döş qəfəsinin kompüter tomoqrafiyası zamanı baş verən şüalanma 70 min banana ekvivalentdir”, - deyə məqalədə qeyd olunur.
Hətta alimlər hər-hansı bir mənbənin radioaktivliyini ölçmək üçün vaxtaşırı “banan ekvivalentindən” istifadə edirlər. Məsələn, atom elektrik stansiyalarının maksimum icazə verilən təsiri ildə 2,5 min banan yeməyə mütənasibdir. Ölümcül doza isə təxminən 35 milyon banana bərabərdir.
Ekspertlər onu da xatırladıblar ki, insan hər yerdə, xüsusən rentgen müayinəsi və kompüter tomoqrafiyası zamanı, həmçinin siqaret çəkən vaxt radioaktiv şüalanmaya məruz qalır: tütünün tərkibindəki polonium-210 və qurğuşun-210 maddələri isə banandan qat-qat təhlükəlidir.
Həmçinin oxuyun:
Göyçaylıların "qırmızı qızıl"ı - Hər kəsə tövsiyə olunan mürəbbə
Faydaları saydıqca bitməyən meyvə: Əzgil turşusu necə hazırlanır?
Qədim, taclı və gözəl: Ölkəmizin simvollarından olan nar