BAKI, 23 noyabr — Sputnik. Tanınmış reper Pərviz İsaqovun (Promete) anasının üzərinə küləyin təsirindən ağacın düşməsi və ayağının amputasiya edilməsi faktı araşdırılır.
Baş Prokurorluğun mətbuat xidmətindən Sputnik Azərbaycan-a verilən məlumata görə, vətəndaş "Promotey" kimi tanınan reper Pərviz İsaqovun anası Pərvanə İsaqovanın üzərinə 10.11.2021-ci il tarixdə Yasamal rayonu, Mirəli Seyidov küçəsi, 60 ünvanı yaxınlığında ağac düşüb.
Küləyin təsirindən ağacın qırılması qadının ağır xəsarət alması ilə nəticələnib. Onun zədələnmiş sol ayağı amputasiya edilib.
Qeyd edək ki, bu barədə müraciət əsasında Yasamal rayon Prokurorluğunda araşdırma aparılır.