BAKI, 22 noyabr — Sputnik. Pomidor suyu təzə pomidorun bütün xüsusiyyətlərini özündə saxlayır. Onun fayda və zərəri barədə nutrisioloq Yelana Moiseyeva RİA Novostiyə bildirib.
"Bu içkinin mühüm üstünlükləri onun aşağı kalori (17 kkal/100 q) və yüksək kalium tərkibinin olmasıdır. Bu, ürək əzələsinin qidalanması üçün ən yaxşı içkidir. Pomidor içkisi hər kəs - uşaqlar, qadınlar, kişilər və qocalar üçün faydalıdır. Aşağı glisemik indeksi olan pomidor suyu diabet üçün məhsullar siyahısındadır", - deyə Moiseyeva qeyd edib.
"Pomidor suyu kəskin pankreatit və qastrit zamanı əks göstərişdir. Onu nişastalı məhsullarla (kartof, düyü, çörək) birlikdə qəbulu böyrəkdə daşların əmələ gəlməsinə səbəb ola bilər", - deyə mütəxəssis əlavə edib.
Həmçinin məlumdur ki, pomidor suyu arıqlamaq üçün yaxşı üsuldur və pomidor pəhrizi ən təsirli pəhrizlərdən biridir. Gündə bir stəkandan dörd stəkana qədər pomidor şirəsi içmək normaldır.
Yeməkdən yarım saat əvvəl, bir neçə damcı bitki yağı əlavə etməklə pomidor suyunu içmək daha yaxşıdır. Ancaq mayenin bədəndə durğunlaşmaması üçün bu içkiyə duz əlavə etmək məsləhət görülmür. Duzu sarımsaq və ya istiotla əvəz etmək daha yaxşıdır.