BAKI, 18 noyabr - Sputnik. Mingəçevirdə yeniyetmə güllələnərək öldürülüb.
Sputnik Azərbaycan APA-ya istinadən bildirir ki, hadisə məcburi köçkünlərin məskunlaşdığı Yeni Həyat qəsəbəsində baş verib.
Ağdam rayon Gülablı kənd sakini Qasımov Əlvan Nuxa oğlu uşaqlar arasında baş verən münaqişə zəminində Xankəndi şəhər, Kərkicahan qəsəbə sakini, 2006-cı il təvəllüdlü Kərimov Orxan Tofiq oğlunu güllələyib.
Güllələnən O.Kərimov xəstəxanaya aparılarkən yolda həyatını itirib.
Hadisəni törətməkdə şübhəli bilinən 37 yaşlı şəxs polis əməkdaşları tərəfindən saxlanılıb.
Faktla bağlı araşdırma başlanılıb.