Ölkədə ilk dəfə olaraq Mingəçevirə gətirilən texnikanın köməyi ilə saatda 7-14 kubmetr ağacı doğrayıb, emal etmək mümkündür. Bu həm yanacağa qənaət edir, həm də işçilərin işini rahatlaşdırır. Əvvəlki illərdə şəhər ərazisində budanan və ya küləyə tab gətirməyib aşan ağacların on-on beş maşınlıq yükünü “Vermmer” qurğusu yonqar halına salıb, bir yük maşınına sığdıra bilir.
Müasir qurğu Mingəçevirə Avropa İttifaqının "Merlər sazişi" çərçivəsində təqdim olunmuş layihələrə uyğun olaraq gətirilib. Qeyd edək ki, həmin qurğunun emal etdiyi qalıqlardan gələcəkdə xammal kimi istifadə edilərək bioyanacaq istehsal edilməsi planlaşdırılır.