BAKI, 30 oktyabr — Sputnik. Qax rayonunda intihar hadisəsi baş verib. Sputnik Azərbaycan xəbər verir ki, hadisə ötən gün rayonun Güllük kəndində qeydə alınıb. Kənd sakini, 1961-ci il təvəllüdlü Nadir Reyzullah oğlu Musayevin meyiti yaşadığı evin həyətyanı sahəsində yardımçı tikilidə asılı vəziyyətdə ailə üzvləri tərəfindən aşkar edilib.
Faktla bağlı Qax rayon Prokurorluğunda araşdırma aparılır. Həmyerlilərinin verdiyi məlumata görə, intihar edən Nadir Musayev yaşadığı kəndin imamı olub. Uzun müddət əsəb xəstəliyindən əziyyət çəkən mərhum oğlunun toy mərasimindən bir neçə saat əvvəl intihar edib. Qeyd edək ki, həmin gün qız evində toy olub, oğlan evinin toyu isə oktyabrın 30-da keçiriləcəkmiş.
Eləcə də oxuyun:
* Bakıda bloger intihar edib
* Xəstəxanada həkimin intihara cəhd etməsi ilə bağlı araşdırma aparılır