BAKI, 29 oktyabr — Sputnik. Bərdədə yaşayış binasındakı yanğın söndürülüb. Fövqəladə Hallar Nazirliyindən Sputnik Azərbaycan-a verilən məlumata görə, Bərdə şəhərində ümumi sahəsi 640 kv.m olan, bir dam altında tikilmiş birmərtəbəli onüçmənzilli yaşayış binasının yanar konstruksiyaları (arakəsmə divarları taxta konstruksiyalardan, kərpicdən, dam örtüyü qır və qamışdan ibarət) və qismən ev əşyaları yanıb:
Bərdədə yanğının baş verdiyi ərazi
© Sputnik / Emin Alisahib
"Bitişik tikililər yanğından mühafizə olunub. Yanğın yanğından mühafizə bölmələri tərəfindən söndürülüb. Yanğın zamanı ölən və xəsarət alan olmayıb".
Bərdədə yanğının baş verdiyi ərazi
© Sputnik / Emin Alisahib
Qeyd edək ki, səhər saatlarında Bərdə şəhərinin Heydər Əliyev prospektində 13 ailənin yaşadığı birmərtəbəli yaşayış binasında güclü yanğın baş verib. Hadisə yerinə FHN-nin Dövlət Yanğından Mühafizə Xidmətinin beş maşını və xeyli sayda canlı qüvvəsi cəlb edilib.