Oktyabrın 28-dən etibarən Moskvada şəhər infrastrukturunun fəaliyyətini təmin edən, Rusiya Federasiyası Prezidentinin fərmanına uyğun olaraq fasiləsiz işləyən qurumlardan başqa, bütün idarə və təşkilatların işi dayandırılıb.
Sputnik Rusiya paytaxtında COVID tətilinin birinci gününün necə keçdiyini izləyib.
Tibb işçilərindən yalnız stomatoloqlar və baytarlar COVID tətilinə çıxacaqlar. Səhiyyə sistemi qalan tibbi xidmətlər üzrə adi rejimdə işləyəcək. Peyvənd məntəqələri də öz işini davam etdirəcək – ölkə rəhbərliyi əhalini istirahət günlərindən yararlanaraq koronavirusa qarşı peyvənd olunmağa çağırır.
Oktyabrın 28-dən noyabrın 7-nə kimi Moskvada konsert zalları, kinoteatrlar və sirklər də bağlıdır. Bununla belə, teatr və muzeylər QR kodla giriş əsasında fəaliyyət göstərəcək, bir şərtlə ki, maksimum 50 faiz tamaşaçı və ziyarətçi qəbul edilsin.
Moskvada kütləvi mədəni, əyləncə və idman tədbirləri keçirilməyəcək.
Moskva sakinləri tətil öncəsi kompüter oyunları, ev üçün ağıllı texnika, bağ və təmir malları almağa üstünlük veriblər. Məsafədən işləməyə imkan verən kompüter texnikasına da tələbat artıb: notbukların satışı 1/3 qədər çoxalıb.