Qədim Olimpiyada Pekin Qış oyunlarının məşəli yandırılıb - göz oxşayan fotolar

Eramızdan əvvəl VIII əsrdə Olimpiya Oyunlarının yarandığı Qədim Yunan Olimpiyasında Pekində keçiriləcək 2022-ci il Qış Olimpiya Oyunlarının məşəli yandırılıb.

1 / 11

Bazar ertəsi, oktyabrın 18-də Olimpiya məşəli, ənənəyə görə, qədim Gera məbədində parabolik güzgü və günəş şüalarının köməyilə alışdırılıb.

2 / 11

"Ali kahin" rolunu ifa edən aktrisa Ksanti Georgiu Apollona şüalar göndərərək Olimpiada alovunu yandırması, Zevsə isə Oyunların qaliblərini taclandırması üçün dua edib.

3 / 11

Bundan sonra kahin məşəli alışması üçün günəş şüalarını toplayan parabolik güzgüyə yaxınlaşdırıb.

4 / 11

Bir müddət davam edən yağmurlu havadan sonra bu gün Qədim Olimpiadada Günəş bərq vururdu və məşəli alışdırmaq çətin olmadı.

5 / 11

Olimpiya məşəlinin yandırılması mərasimi koronavirus pandemiyası səbəbindən artıq ikinci dəfədir tamaşaçısız keçirilir.

6 / 11

Üç məşəlçinin iştirak etdiyi Olimpiya məşəli estafeti də elə bu səbəbdən qısaldılmışdı.

7 / 11

Bazar ertəsi Olimpiya məşəli Afinaya çatdırılaraq Akropola qoyulacaq.

8 / 11

Olimpiya məşəli gecəni burada keçirəcək, çərşənbə axşamı isə o, "Panatinaikos" stadionunda Çin nümayəndə heyətinə təhvil veriləcək.

9 / 11

Qədim Olimpiyadakı stadionda keçirilən mərasimdə Yunanıstan Prezidenti Katerina Sakellaropulu, Beynəlxalq Olimpiya Komitəsinin prezidenti Tomas Bax, "Pekin-2022" təşkilat komitəsinin nümayəndələri iştirak ediblər.

10 / 11

Qış Olimpiya oyunları 2022-ci ilin fevralın 4-dən 20-dək Pekində keçiriləcək.

11 / 11

Azərbaycanı yarışda iki fiqurlu konkisürən - Vladimir Litvintsev və Yekaterina Ryabova - təmsil edəcək.

Sputnik Azərbaycan xəbər verir ki, bazar ertəsi, oktyabrın 18-də Olimpiya məşəli, ənənəyə görə, qədim Gera məbədində parabolik güzgü və günəş şüalarının köməyilə alışdırılıb. "Ali kahin" rolunu ifa edən aktrisa Ksanti Georgiu Apollona şüalar göndərərək Olimpiada alovunu yandırması, Zevsə isə Oyunların qaliblərini taclandırması üçün dua edib. Bundan sonra kahin məşəli alışması üçün günəş şüalarını toplayan parabolik güzgüyə yaxınlaşdırıb.

Qeyd edək ki, Olimpiya məşəlinin yandırılması mərasimi koronavirus pandemiyası səbəbindən artıq ikinci dəfədir tamaşaçısız keçirilir. Üç məşəlçinin iştirak etdiyi Olimpiya məşəli estafeti də elə bu səbəbdən qısaldılmışdı.

Xatırladaq ki, koronavirus məhdudiyyətləri səbəbindən bu ilin iyul-avqust aylarında Tokioda keçirilən Olimpiya Oyunlarının məşəli də tamaşaçılarin iştirakı olmadan yandırılıb.

Bazar ertəsi Olimpiya məşəli Afinaya çatdırılaraq Akropola qoyulacaq. Olimpiya məşəli gecəni burada keçirəcək, çərşənbə axşamı isə o, "Panatinaikos" stadionunda Çin nümayəndə heyətinə təhvil veriləcək. Bu stadionda da tamaşaçı olmayacaq.

Qış Olimpiya oyunları 2022-ci ilin fevralın 4-dən 20-dək Pekində keçiriləcək. Azərbaycanı yarışda iki fiqurlu konkisürən - Vladimir Litvintsev və Yekaterina Ryabova - təmsil edəcək.