BAKI, 14 oktyabr — Sputnik. Moskva Azərbaycan, Rusiya və Ermənistanın üçtərəfli bəyanatına ardıcıl şəkildə və qeyd-şərtsiz əməl olunmasının tərəfdarıdır. Bu fikri Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova cümə axşamı günü keçirilən ənənəvi mətbuat konfransında səsləndirib.
"Biz ümid edirik ki, bununla mövcud mürəkkəb ikitərəfli məsələlər də daxil olmaqla, Bakı ilə Yerevan arasında münasibətlərin normallaşması üçün lazımi şərait yaranacaq", – deyə o vurğulayıb.
Zaxarova, həmçinin Azırbaycan, Rusiya və Ermənistanın dini liderlərinin oktyabrın 13-də baş tutumuş görüşünü unikal format adlandırıb. Onun sözlərinə görə, bu, dini icmalar arasndakı dialoqun dərinləşməsinə təsir göstərəcək.
"Biz bu fikirdəyik ki, sözgüdən görüş qarşılıqlı inamın artması, humanitar problemlərin həlli və mədəni irs obyektlərinin qorunması da daxil olmaqla, Cənubi Qafqazda münasibətlərin normallaşmasına və ümumi vəziyyətin yaxşılaşmasına xidmət edəcək", – deyə RF XİN-in rəsmi nümayəndəsi bildirib.