BAKI, 11 oktyabr — Sputnik. Milli Məclisin plenar iclası keçirilir.
Sputnik Azərbaycan xəbər verir ki, iclasın gündəliyinə 2 məsələ daxil edilib.
Həmin məsələlər bunlardır:
1. "Müstəqillik Günü haqqında" Azərbaycan Respublikası qanununun layihəsi (birinci oxunuş).
2. Azərbaycan Respublikası Milli Məclisinin İctimai birliklər və dini qurumlar komitəsinin üzvünün seçilməsi haqqında.
Qeyd edək ki, "Müstəqillik Günü haqqında"qanun layihəsinə əsasən, mayın 28-i Müstəqillik Günü elan ediləcək, oktyabrın 18-i Müstəqilliyin Bərpası Günü elan ediləcək, Müstəqillik Günü və Müstəqilliyini Bərpası Günü hər il bayram kimi qeyd olunacaq.