BAKI, 7 oktyabr — Sputnik.2020-ci il sentyabrın 27-də əks-hücum əməliyyatlarına başlayan Azərbaycan Ordusu günlər keçdikcə döyüş meydanında düşməni darmadağın edirdi. Məğlub olub geri qaçan erməni silahlıları mülki insanları öldürməyə, onlara məxsus obyektləri dağıtmağa can atırdılar. Bunun üçün döyüş meydanından xeyli kənarda yerləşən yaşayış məntəqələri hədəf seçilirdi. Bunlardan biri də Goranboyun ən böyük qəsəbələrindən olan Qızılhacılı idi.
Yaşar Abbasov Raziyə Abbasovanın həyat yoldaşı
© Sputnik / Rahim Mammadov
Sputnik Azərbaycan xəbər verir ki, Ermənistan silahlılarının oktyabrın 7-də Qızılhacılını ağır artilleriya və raket atəşinə tutması nəticəsində 66 yaşlı Raziyə Abbasova şəhid olub, bir neçə sakin müxtəlif dərəcəli xəsarətlər almışdı. Şəhid qadınının həyat yoldaşı Yaşar Abbasov həmin anları ürək ağrısı ilə xatıralyır:
Qəlpə pəncərənin şüşələrini sındırıb düz ürəyinə girmişdi
© Sputnik / Rahim Mammadov
“Mən Goranboya getmişdim, orada xəbər tutdum ki, ermənilər kəndimizə raket atıblar. Tez özümü çatdırdım evə, gördüm, küçəmizi tüstü-duman bürüyüb. Qonşunun evi yanırdı, bir neçə yaralı vardı. Yaxınlaşıb kömək etməyə çalışanda qonşular dedilər, sizin evə də ziyan dəyib. Öz evimə yaxınlaşanda gördüm, oğlum anasını evdən çıxarır ki, xəstəxanaya aparsın. Qəlpə pəncərənin şüşələrini sındırıb düz ürəyinə girmişdi Raziyənin. Elə qapıda, oğlumun qucağında şəhid oldu. Xəstəxanaya çatdıra bilmədik.
O oğlunun qucağında şəhid olub
© Sputnik / Rahim Mammadov
Allah bütün şəhidlərimizə rəhmət eləsin! Ermənilər dinc sakinləri yaralasalar da, öldürsələr də, biz ordumuzun onların layiqli cavabını verdiyini bilirdik. Döyüş meydanında uduzduqları üçün ermənilər uzaq kəndləri, qəsəbələri vurub insanları qorxutmağa çalışırdılar. Amma bu istəklərinə nail ola bilmədilər. Şükür ki, qələbə qazandıq. Ölkə rəhbərinə, ordumuza minnətdarıq, şəhidlərimizin qanını yerdə qoymadılar”.
Ermənistan silahlılarının oktyabrın 7-də Qızılhacılını ağır artilleriya və raket atəşinə tutması nəticəsində 66 yaşlı Raziyə Abbasova şəhid olub
© Sputnik / Rahim Mammadov
Qızılhacılı qəsəbəsinin müxtəlif hissələrinə düşən mərmilər burada yaşayan insanlarla yanaşı, mülki obyektlərə də ziyan vurmuşdu. Qeyd edək ki, müharibədən sonra qəsəbə sakinlərinin dağılmış evləri bərpa edilib, ermənilərin vurduğu ziyan Azərbaycan hökuməti tərəfindən ödənilib.