BAKI, 4 oktyabr - Sputnik. Facebook, Instagram və WhatsApp-da problem yaranması ilə meydana gələn itkilər saat ərzində 160 milyon dollar civarındadır.
Sputnik Azərbaycan bildirir ki, bunu NetBlocks internetin monitorinqi və kibertəhlükəsizlik layihəsinin ekspertləri hesablayıblar.
Layihənin Twitter-də paylaşdığı məlumatda qeyd olunur ki, Facebook, Instagram və WhatsApp-ın bir saatdan çox işləməməsi ilə dünya iqtisadiyyatının itkiləri təxminən 160 milyon dollar təşkil edib. Layihə bildirir ki, adıçəkilən sosial şəbəkələr və mesencerlər bir neçə ölkədə işləmir, insident ölkə səviyyəsində internetin kəsilməsi və ya filtrasiya nəticəsində yaranmayıb.
Qeyd edək ki, bir qədər əvvəl dünyanın bir çox ölkələrində, eləcə də Azərbaycanda bir sıra sosial şəbəkələrin işində problem yaranıb.