BAKI, 24 sentyabr — Sputnik. ABŞ-ın "Netflix" kino şirkəti məşhur amerikalı müğənni Britni Spirs haqqında qalmaqallı sənədli film çəkib. Sputnik Azərbaycan xarici mətbuata istinadən xəbər verir ki, Erin Li Karrın rejissoru olduğu "Britney vs Spears" ("Britni Spirsə qarşı"-red.) adlı filmin treyleri B.Spirsin bu sözləri ilə başlayır:
"Mən sadəcə öz həyatımı geri qaytarmaq istəyirəm".
Layihədə pop ulduzun atası Ceyms Spirs və onun qəyyumluqdan sui-istifadə etməsi barədə danışılacaq.
Filmin premyerası sentyabrın 28-də baş tutacaq. Təqdimatdan bir gün əvvəl isə B.Spirsin qəyyumluqdan azad edilməsi haqqında iş üzrə növbəti məhkəmə iclasının keçirilməsi planlaşdırılıb. Proses 2008-ci ildən davam edir.
Məlumat üçün bildirək ki, müğənni Amerika musiqi tarixində albomları ən yaxşı satılan səkkizinci qadın müğənnidir. O, "Toxic" mahnısına görə 2005-ci ildə "Qremmi" mükafatı laureatı olub. Ulduzun "...Baby one more time" adlı ilk albomu onu daha da məşhurlaşdırmışdı. Albomun eyniadlı sinqlı "Billboard Hot 100" çartında birinci yerə yüksəlmişdi.
Həmçinin oxuyun: