BAKI, 20 sentyabr — Sputnik. Ölkəmizdə qeyri-rəsmi dostluq səfərində olan Rusiya Federasiyası Hərbi Dəniz Donanmasının Xəzər flotiliyasının "Astraxan" və "Anatoli Qujvin" hərbi gəmiləri sentyabrın 20-də Bakı limanını tərk ediblər. Bu barədə Sputnik Azərbaycan-a Müdafiə Nazirliyindən məlumat verilib.
Qeyd edək ki, Rusiya Federasiyası Hərbi Dəniz Donanmasının Xəzər flotiliyasının "Astraxan" və "Anatoli Qujvin" hərbi gəmiləri qeyri-rəsmi dostluq səfəri ilə sentyabrın 18-də Bakıya gəlmişdilər.
Səfər çərçivəsində gəmi heyətlərinin Azərbaycan Respublikası Hərbi Dəniz Qüvvələri komandanlığı tərəfindən qəbulu, eyni zamanda iki ölkənin hərbi donanmaları arasında hərbi əməkdaşlığı müzakirə edilib.
Bundan başqa, mədəni və tarixi abidələrlə tanışlıq üçün gəmi heyətlərinin Bakı şəhərində gəzintisi, o cümlədən voleybol üzrə yoldaşlıq görüşünün keçirilməsi planlaşdırılmışdı.
Xatırladaq ki, Bakıya qeyri-rəsmi dostluq səfərinə gələn Rusiya gəmiləri paytaxt portunda "Mehtər marşı" ilə qarşılanıb.
Həmçinin oxuyun:
Xəzərdə döyüş hazırlığının yüksəldilməsi ilə bağlı tapşırıq verildi
Azərbaycan və Türkiyə xüsusi təyinatlıları gəmini şərti terrorçulardan azad ediblər