BAKI, 28 avqust - Sputnik. Taliban* hərəkatı həftə ərzində hökumətin tam tərkibini açıqlayacaq. Onlar artıq 34 əyalətdən 33-də qubernatorları və polis rəislərini təyin ediblər.
Sputnik Azərbaycan bildirir ki, bu barədə Reuters hərəkatın nümayəndəsinə istinadən məlumat yayıb.
Qadınların hökumətə daxil olub-olmayacağına isə hərəkatın rəhbərləri qərar verəcəklər.
Talibanın* nümayəndəsi Zabihulla Mücahid avqustun 22-də bəyan etmişdi ki, tezliklə Əfqanıstanın yeni hökuməti barədə bəyanat verilə bilər. Taliblərin siyasi ofisinin rəhbəri Əbdül Qəni Bəradərin isə iki həftə ərzində Əfqanıstanın gələcək hökumətinin strukturu barədə qərar qəbul edəcəyi deyilirdi.
* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.
Eləcə də oxuyun:
Evinizə xoş gəldiniz! - Əfqanıstandan qayıdan sülhməramlılar Bakıda necə qarşılandı
Kabildə baş verən partlayış zamanı yerli agentliyin müxbiri həlak olub
Kabildə ard-arda partlayışları törədən məlum oldu - ABŞ artıq Talibanla birgə işləyir
İŞİD*-in iki rəhbəri məhv edilib - Pentaqon