BAKI, 25 avqust — Sputnik. Vətəndaşların müraciət çoxluğu nəzərə alınaraq "ASAN Xidmət"də xidmət vaxtı uzadılıb. Sputnik Azərbaycan "ASAN Xidmət"ə istinadən xəbər verir ki, Bakı, Sumqayıt və Gəncə "ASAN xidmət" mərkəzlərində vətəndaş müraciətlərinin daha çox olduğu şəxsiyyət vəsiqələrinin verilməsi və dəyişdirilməsi ilə bağlı xidmət saatlarına dəyişiklik edilib.
Dəyişikliyə əsasən həmin mərkəzlərdə müvafiq xidmətlə bağlı həftənin beş günü saat 09:00-dan 20:00-dək fasiləsiz növbə sistemi fəaliyyət göstərir.
Eyni zamanda vətəndaş məmnunluğunun və operativliyin təmin edilməsi məqsədilə Azərbaycan Respublikasının Daxili İşlər Nazirliyi və Ədliyyə Nazirliyi ilə birgə xidmət prosesində təkmilləşdirmə işləri aparılır.
Həmçinin oxuyun: