BAKI, 18 avqust — Sputnik. Rusiya İxracat Mərkəzi Azərbaycanda "Ağıllı şəhər" biznes-missiyasında iştirak edəcək şirkətlərin seçiminə başlayıb. Bu barədə Sputnik Azərbaycan Rusiyanın Sənaye və Ticarət Nazirliyinə istinadla məlumat yayıb.
Azərbaycan bazarına çıxmaqda maraqlı olan energetika, nəqliyyat, "ağıllı şəhər"lərin tikintisi, dəmir yolu texnikası tədarükü və rəqəmsal texnologiya sahəsində fəaliyyət göstərən şirkətlər əməkdaşlığa dəvət olunub.
Nazirlikdən onu da bildiriblər ki, biznes-missiya ərzində Azərbaycan və Rusiya tərəflərinin dövlət qurumlarının iştirakı ilə xüsusi proqram təşkil olunacaq, eləcə də işgüzar dairələrin nümayəndələri ilə görüşlər keçiriləcək.
Eləcə də oxuyun:
İsrailin biznes dairələri Azərbaycanla əməkdaşlıqda maraqlıdır
Azərbaycanda iqtisadi artım bərpa olunub
Azərbaycan iqtisadiyyatında baş verənlər: Ölkəyə yenə milyardlar axacaq
Zəngilanlıların "ağıllı kənd"ə köçürüləcəyi tarix açıqlandı – RƏSMİ