İstedadlı Leonsiya Oqleznyova əslən Novorossiyskdəndir və yerli flamenko məktəbində rəqs etməyi öyrənir. O, özünün ilk kastanyetlərilə Sevilya rəqsini hələ dörd yaşı olanda öyrənib, beş yaşı yenicə tamam olanda isə birinci dəfə səhnəyə çıxıb.
Qızın anası deyir ki, onların məqsədi heç də birinci olmaq deyil, əsas məsələ rəqsləri keyfiyyətlə və düzgün ifa etməkdir.
Hazırda Leonsiyanın vur-tut 8 yaşı olsa da, o artıq öz həyatını rəqsə həsr etmək qərarına gəlib və gələcəkdə bu sahə üzrə müəllimlik etmək istəyir.