Futbol üzrə İspaniya milli komandası Sankt-Peterburqda keçirilən oyunda İsveçrə millisinə penaltilərdə qalib gələrək turnirin ilk yarımfinalçısı olub.
Stadionda 24764 tamaşaçının seyr etdiyi oyunun əsas hissəsi 1:1 hesabı ilə heç-heçə başa çatıb. Hər iki qolu İsveçrə millisinin oyunçuları vurub – Denis Zakariya (8-ci dəqiqədə avtoqol) və Cerdan Şakiri (68).
Əlavə vaxtda qapılara qol vurulmayıb. Oyun sonrası penaltilərdə isə ispanlar 3:1 hesabı ilə üstün olublar.
Oyunun 77-ci dəqiqəsində İsveçrə millisinin yarımmüdafiəçisi Remo Froyler qırmızı kart alaraq meydandan qovulub.
Yarımfinalda İspaniya yığması bu gün Münhendə keçiriləcək Belçika-İtaliya qarşılaşmasının qalibi ilə üz-üzə gələcək.