Futbol üzrə Avropa çempionatının Türkiyə və Uels yığmaları arasında keçiriləcək görüşünə təxminən 30 min bilet satılıb. Bu RİA Novosti turnirin təşkilat komitəsinə istinadən xəbər verir.
Görüş iyunun 16-da Bakı Olimpiya stadionunda keçiriləcək.
"Bu anadək təxminən 30 min bilet satılıb. Nəzər alsaq ki, COVID-19-a dair məhdudiyyətlərə görə arenanın tutumu 50% azaldılıb, satışda təxminən 5 min bilet qalıb. Bu onu göstərir ki, böyük ehtimalla sabah "sold out" olacaq", - deyə Bakıdakı təşkilat komitəsinin nümayəndəsi RİA Novosti-yə bildirib.
Qarşılaşmanı Azərbaycan və Türkiyə prezidentləri İlham Əliyevlə Rəcəb Tayyib Ərdoğanın stadiondan izləyəcəyi gözlənilir.