BAKI, 12 iyun — Sputnik. Bakı Olimpiya stadionunda AVRO-2020 qrup mərhələsində Uels və İsveçrə yığmaları arasında keçirilən oyunda qalib müəyyən olunmayıb. Oyun 1:1 hesabı ilə başa çatıb.
Oyunda hər iki qol ikinci hissədə vurulub. İsveçrə komandasında Brel Embolo (49-cu dəqiqə), Uels yığmasında isə Kiffer Mur (74-cü dəqiqə) seçiliblər.
Oyunu stadionda 8782 tamaşaçı izləyib.
Beləliklə, "A" qrupunda İtaliya komandası 3 xalla liderdir. Uels və İsveçrə yığmalarının hərəyə 1 xalı var. Sonuncu yerdə isə Türkiyə millisidir.
Bu qrupda növbəti oyunlar iyunun 16-da keçiriləcək, Uels yığması Türkiyə millisinə qarşı, isveçrəlilər isə italyanlara qarşı oynayacaqlar.