BAKI, 8 iyun — Sputnik. "Amazon" şirkətinin rəhbəri, öz qardaşı və "Blue Origin" şirkətinin keçirdiyi auksionda qaib gələn şəxslə birgə iyulun 20-si kosmosa uçacaq. Sputnik Azərbaycan xəbər verir ki, bunu dünyanın ən varlı insanı hesab edilən Ceff Bezos öz "Instagram" səhifəsində yazıb.
"Beş yaşımdan kosmosa səyahət etmək barədə düşünmüşəm. İyulun 20-si bu səyahətə qardaşımla birlikdə gedəcəyəm. Ən yaxşı dostumla möhtəşəm səyahət", - deyə Bezos bildirib.
Qeyd edək ki, milyarderə məxsus olan "Blue Origin" şirkəti öz "Twitter" hesabında yazıb ki, Bezosla birgə kosmosa onun qardaşı və iyunun 12-si bitəcək auksionun qalibi qatılacaq. Hərracda iştirak etmək istəyən şəxslərin qeydiyyatı iyunun 10-u bitəcək.
Eləcə də oxuyun:
Pandemiya bu adamları milyarder etdi
Ən varlı kişinin qadını orta məktəb müəllimini seçdi