BAKI, 4 may — Sputnik. Avropa Futbol Federasiyaları Assosiasiyasının (UEFA) EURO-2020 çempionatında çıxış edəcək komandaların tərkibinin 23-dən 26 nəfərə qədər artırılması barədə rəsmi qərar verib. Sputnik Azərbaycan Rusiya mediasına istinadən xəbər verir ki, bu qərar koronavirus pandemiyası ilə əlaqədar olaraq oyunçuların yükünün artması ilə bağlıdır.
"İstisna hal kimi bütün komandalarda oyunçuların sayının 26-ya çatdırılması barədə qərar qəbul olunub. Buna baxmayaraq, hər bir ayrıca oyunun protokolunda üç qapıçı da daxil olmaqla iştirak edə biləcək oyunçuların sayı yenə də 23-dür", - deyə qurumun məlumatında bildirilir.
Xatırladaq ki, Avropa Çempionatı 2020-ci ildə keçirilməli idi. Lakin koronavirus pandemiyası üzündən yarış cari ilə keçirilib. Oyunlar iyunun 11-dən iyulun 11-dək 11 şəhərdə keçiriləcək. Turnirə ev sahibliyi edəcək şəhərlər bunlardır: Sankt-Peterburq, Amsterdam, Bakı, Budapeşt, Qlazqo, Kopenhagen, London, Roma, Münhen və Sevilya.