BAKI, 25 aprel - Sputnik. Geyim dizayneri Alber Elbaz koronavirusa yoluxduqdan sonra dünyasını dəyişib.
Sputnik Azərbaycan bildirir ki, bu barədə Le Figaro qəzeti məlumat yayıb.
Əlli doqquz yaşlı Elbaz Parisdə vəfat edib.
Elbaz Mərakeşdə doğulub, İsraildə böyüyüb və uzun zaman Nyu-Yorkda yaşayıb, orada toy dəbi ilə məşğul olub. O, 1998-ci ildən Yves Saint Laurent-da, 2001-ci ildən 2015-ci ilədək isə Lanvin-də kreativ direktor işləyib. Elbazın hazırladığı paltarları Nikol Kidman, Qvinet Peltrou, Katrin Denöv və digər Hollivud məşhurları geyinirdilər. Lanvin-dən getdikdən sonra Elbaz dəb dünyasından beş illik ayrıldı. 2021-ci ilin əvvəlində isə Paris Moda həftəsində şəxsi AZ Factory brendi ilə debüt elədi.