BAKI, 30 mart - Sputnik. Əfqanıstanın təhlükəsizlik qüvvələri terrorçu "Əl-Qaidə" qruplaşmasının yüksək çinli komandirini məhv ediblər.
Sputnik Azərbaycan RİA Novosti-yə istinadən bildirir ki, bu barədə Əfqanıstan Milli Təhlükəsizlik İdarəsinin (NDS) bəyanatında deyilir.
Məlumata görə, qruplaşmanın Hind subqitəsindəki bölməsinin yüksək çinli komandiri Dövlət Bəy Taciki ölkənin şərqindəki Paktika əyalətində NDS-in keçirdiyi xüsusi əməliyyatla məhv edilib. Həmin komandir Əbu Muhammad ət-Taciki kimi də tanınırdı. Bildirilir ki, onunla birlikdə radikal "Taliban" qruplaşmasının komandiri Həzrət Əli də məhv edilib.