BAKI, 21 fevral - Sputnik. Nigeriya paytaxtında hərbi təyyarə qəzaya uğrayıb.
Sputnik Azərbaycan-ın məlumatına görə, King Air 350 hərbi təyyarəsi Abucada, uçuş-eniş zolağının yaxınlığında yerə çırpılıb.
Hadisə şahidləri qəza yerindən video paylaşıblar. Görüntülərdə xilasedicilərin təyyarənin qalıqlarının üzərinə su tökdükləri görünür.
Bildirilir ki, təyyarə Minna şəhərinə uçurmuş. Mühərrikində nasazlıq baş verdiyindən yerə çırpılıb. Nigeriya HHQ-nin məlumatına görə, təyyarənin göyərtəsində olan 7 hərbçi həlak olub.