BAKI, 21 fevral - Sputnik. Gədəbəydə silahlı insident baş verib.
Sputnik Azərbaycan APA-ya istinadən bildirir ki, orta yaşlı kişi güllə yarası ilə xəstəxanaya yerləşdirilib və əməliyyat olunub.
Xəsarət alan şəxs 1978-ci il təvəllüdlü Fətullayev Qamət Şahmalı oğludur. O, qarın nahiyəsindən güllə yarası alıb. DİN-in mətbuat xidmətinin əməkdaşı Eşqin Qasımovun sözlərinə görə, hadisə ehtiyatsızlıqdan baş verib: rayon sakini, 1990-cı il təvəllüdlü Tağıyev Elnur Qurban oğlu ov tüfəngi ilə dovşan vuran zaman 1978-ci il təvəllüdlü Fətullayev Qamət Şahmalı oğlu xəsarət alıb.
Hadisəni törədən şəxs polis tərəfindən saxlanılıb. Faktla bağlı araşdırma aparılır.