BAKI, 5 fevral - Sputnik. ABŞ qaçqınların qəbuluna qoyduğu limiti ildə 125 minədək artırıb.
Sputnik Azərbaycan bildirir ki, bunu ABŞ-ın yeni seçilmiş Prezidenti Cozef Bayden deyib.
"Bu gün imzalayacağım icra sərəncamı vaciblik baxımından qlobal miqyasda tayı-bərabəri olmayan qaçqınların qəbul edilməsi proqramımımızı bərpa etmək üçün çətin işlərə təkan verəcək", - Dövlət Departamentində xarici siyasət barədə proqram nitqi söyləyən Bayden bildirib.
"Bu icra sərəncamı bizə qərargahımızın ilk maliyyə ilində qaçqınların qəbulu həddini ildə 125 minədək artırmağa imkan yaradacaq", - dövlət başçısı deyib.
ABŞ-ın sabiq prezidenti Donald Trampın vaxtında ABŞ, demək olar ki, qaçqınları qəbul etmirdi. 2021-ci il üçün qoyulmuş limit 15 min nəfər idi. Bundan başqa, faktiki olaraq qaçqınları koronavirus pandemiyasına görə qəbul etmirlər.