BAKI, 30 dekabr - Sputnik. Yəmənin Ədən şəhərində, hökumət sarayının yaxınlığında partlayış törədilib.
Sputnik Azərbaycan RİA Novosti-yə istinadən bildirir ki, binada bu gün yeni seçilmiş hökumət üzvləri var.
Qeyd edək ki, bir neçə saat əvvəl yeni nazirlər Ər-Riyaddan Ədənə gəliblər. Buradakı hava limanında onlar gələn zaman partlayış törədilib. Hərbi mənbələrdən biri qeyd edib ki, aeroport Yəmənin cənubundakı, husilərin "Ənsar-Allah" hərəkatının nəzarətində olan Taiz vilayətindəki rayonlardan raket atəşinə tutulub. Sky News Arabia-nın məlumatına görə isə, partlayışlardan əvvəl aeroport üzərində PUA-ların səsi eşidilib.
Hava limanındakı partlayışlarda 22 nəfər ölüb, 50-dək insan yaralanıb.