Şimali Makedoniya yığması tarixində birinci dəfə futbol üzrə Avropa çempionatının final mərhələsinə vəsiqə qazanıb.
Noyabrın 12-də pley-off mərhələsinin görüşündə makedoniyalılar Tbilisidə Gürcüstan komandasına 1:0 hesabı ilə qalib gəliblər. Yeganə qolu Qoran Pandev 56-cı dəqiqədə vurub.
Şimali Makedoniya yığması pandemiya səbəbindən 2021-ci ilə keçirilmiş AVRO-2020-nin final mərhələsində C qrupunda Avstriya, Niderland və Ukrayna milliləri ilə çıxış edəcək.