BAKI, 7 oktyabr — Sputnik. Ermənistanın Baş Naziri Nikol Paşinyanın müavini Mqer Qriqoryan Rusiyanın bu ölkədəki səfiri Sergey Kopırkinlə görüşüb. Sputnik Ermənistan xəbər verir ki, bu barədə Ermənistan hökuməti məlumat yayıb.
Görüş zamanı tərəflər Yerevanda baş tutacaq hər iki ölkənin hökumətlərarası komissiyasının iclasının gündəliyində olan aktual məsələləri müzakirə ediblər.
Bundan əlavə, onlar Avrasiya İqtisadi İttifaqı çərçivəsində əməkdaşlıq məsələlərinə də toxunub.
Qeyd edək ki, Avrasiya İqtisadi İttifaqının Hökumətlərarası Şurasının iclasının oktyabrın 9-da Ermənistan paytaxtı Yerevanda keçirilməsi gözlənilir.