BAKI, 13 sentyabr — Sputnik. Rusiyalı müğənni, aktyor və bodibilder, “Tarzan” kimi tanınan Sergey Qluşko ilə vaxt keçirən qadın ondan hamilə qaldığını deyib. Bir müddət əvvəl isə Tarzanın həyat yoldaşı Nataşa Korolyova həmin qadını 3 min avro və 5 milyon dəyərindəki zinət əşyalarını oğurlamaqda günahlandırmışdı.
Sputnik Azərbaycan Rusiya mətbuatına istinadən bildirir ki, hamilə qadın zinət əşyalarını qısqanclıqdan oğurladığını deyib. O bildirib ki, artıq vəkilə müraciət edib.
Korolyova qır-qızılının itdiyini məzuniyyətdən qayıdanda aşkarlayıb. Məlum olub ki, arvadı evdə olmayan müddətdə Tarzan günlərini iki qızla keçirirmiş. Ər-arvad polisə ərizə verib.
Bu ilin may ayında Tarzan ixtisası üzrə iş tapdığını bəyan eləmişdi. O, əlində döşəməsilən, xadimə obrazında çəkdirdiyi şəklini paylaşaraq: “Bu işlərdən başım yaxşı çıxır”, - yazmışdı.