BAKI, 16 avqust — Sputnik. Yeni tip koronavirusun insan orqanizminə adaptasiyası, mümkündür ki, 2012-ci ildə baş verib.
Sputnik Azərbaycan bildirir ki, bu barədə The Sun yazır.
Virusoloq Conatan Lathem və bioloq Ellison Uilsonun tabloiddə dərc olunmuş məqaləsində deyilir ki, onlar Çinin Yunnan vilayətindəki şaxtanı iki həftə ərzində yarasaların ifrazatından təmizləyən kömürçüləri müalicə edən həkimin yazılarını aşkarlayıblar.
Kömürçülərin analiz nümunələrini Uhandakı laboratoriyaya göndəriblər. Orada isə müəyyən edilib ki, onlar atipik pnevmoniyaya bənzəyən koronavirusa yoluxublar. Beləliklə, tədqiqatçılar qeyd edirlər ki, COVID-19-un insan orqanizminə adaptasiyası hələ 2012-ci ildə baş veribmiş.
Son aylar ərzində yeni tip koronavurusun yaranmasının müxtəlif versiyaları irəli sürülürdü. Buna rəğmən, Ümumdünya Səhiyyə Təşkilatı qeyd edir ki, yekun söz demək mümkün deyil, çünki infeksiya elə də yaxşı öyrənilməyib. Ekspertlər araşdırmaları davam etdirirlər.
Son məlumatlara görə, dünyada SARS-CoV-2 yeni tip koronavirusuna yoluxanların sayı 21 milyonu, virusun səbəb olduğu COVID-19 xəstəliyindən ölənlərin sayı isə 761 mini ötüb.