Zülfiyyə Quluyeva, Sputnik Azərbaycan
BAKI, 19 iyun — Sputnik. “Tibbi Ərazi Bölmələrinin İdarəetmə Birliyinin” (TƏBİB) mətbuat katibi Rəvanə Əliyevanın anası koronavirusa yoluxub.
Sputnik Azərbaycan-ın sorğusuna cavabında Rəvanə Əliyeva bildirib ki, anasından götürülən COVID-19 testi pozitiv çıxıb. R. Əliyeva bildirib ki, hazırda anası xəstəxanada müalicə alır: "Anamdan analizlər götürülür. Onun da yanaşı xəstəlikləri olduğu üçün daha çox narahatlıq keçiririk".
R. Əliyeva deyib ki, hər kəs özünü və yaxınlarını qorumaq üçün qaydalara əməl etməlidir.
Qeyd edək ki, TƏBİB-in İdarə Heyətinin sədri Ramin Bayramlı yaxın qohumları arasında koronavirusa yoluxan şəxslərin olduğunu qeyd etmişdi.