BAKI, 13 iyun — Sputnik. Mərkəzi Bankın məlumatlarına görə, 2020-ci il may ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 15146,8 milyon manat təşkil edib, onun 12449,4 milyon manatı uzunmüddətli kreditlər olub.
Sputnik Azərbaycan Dövlət Statistika Komitəsinə istinadla xəbər verir ki, ödəmə vaxtı keçmiş kreditlərin məbləği ümumi kredit portfelinin 8,1 faizini təşkil edib.
Əhalinin banklardakı əmanətlərinin milli valyuta ekvivalentində məbləği 2020-ci il may ayının 1-nə 7 milyard 758 milyon manat təşkil edib.
2020-ci ilin yanvar-may aylarında milli valyutanın 1 ABŞ dollarına nisbətdə orta məzənnəsi 1,70 manata, 1 Avroya – 1,87 manata, 100 Rusiya rubluna – 2,5 manata bərabər olub.