BAKI, 2 may — Sputnik. Gürcüstanda daha 16 nəfərə koronavirus diaqnozu qoyulub.
Sputnik Gürcüstan xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.
Bundan əlavə, daha 1 pasiyent koronavirusdan dünyasını dəyişib.
Bununla da qonşu ölkədə COVID-19 infeksiyasına yoluxanların sayı 582-yə çatıb. Onların 207-si sağalıb, 8-i isə dünyasını dəyişib.
Ölkə üzrə karantində 5 025, stasionar nəzarətdə isə 540 nəfər saxlanılır.
Qeyd edək ki, Gürcüstan hökuməti ölkədə ən sərt tədbirlər görülüb. Ölkədə artıq 2 aya yaxındır, fövqəladə vəziyyət rejimi tətbiq edilib. Qonşu ölkə koronavirusla mübarizədə ən sərt tədbirlər görən ölkələr siyahısındadır.