BAKI, 13 mart — Sputnik. Polşanın Azərbaycandakı səfirliyinin konsulluq şöbəsi viza almaq üçün sənəd qəbulunu müvəqqəti dayandıracaq.
Səfirlikdən Sputnik Azərbaycan-a verilən məlumata görə, bu addım "COVID-19" virusu ilə bağlı təhlükəli vəziyyətə görə atılıb.
Sənəd qəbulu martın 16-dan 29-dək həyata keçirilməyəcək.
Xatırladaq ki, ötən il dekabrın 31-də Çin hökuməti Uhan şəhərində sətəlcəm xəstəliyinin yayıldığını elan edib. Xəstəliyin törədicisi rəsmi adı "COVID-19" olan koronavirusun yeni növüdür.
Koronavirus infeksiyasına yoluxma halları artıq dünyanın 127 ölkəsində qeydə alınıb.