BAKI, 4 mart — Sputnik. İranda koronavirusa yoluxanların sayı 2900-ü keçib. Sputnik Azərbaycan "RİA Novosti"yə istinadən xəbər verir ki, bunu İranın Səhiyyə Nazirliyinin rəsmi təmsilçisi Kianuş Cahanpur bildirib.
"Ötən gündən bəri koronavirusa yoluxmağa dair 586 yeni hal qeydə alınıb. Ümumilikdə bu xəstəliyə yoluxanların sayı 2922-yə çatıb. Ötən gün ərzində 24 nəfər xəstəlikdən vəfat edib. Bununla da yeni növ koronavirusdan ölənlərin sayı 92-yə çatıb. Ümumilikdə virusdan 552 nəfər sağalıb", - deyə Cahanpur qeyd edib.