BAKI, 2 mart — Sputnik. Asiya Çempionlar Liqasında qrup mərhələsinin oyunları təxirə salınıb.
Sputnik Azərbaycan Asiya Futbol Konfederasiyasının rəsmi saytına istinadən xəbər verir ki, mart və aprel aylarına planlaşdırılan matçlar koronavirus epidemiyasına görə nəzərdə tutulan vaxtda baş tutmayacaq. Qrup mərhələsinin qarşılaşmaları 19-24 mayda, pley-off oyunları isə avqustda baş tutacaq.
Qeyd edək ki, daha öncə İran və Cənubi Koreya təmsilçilərinin turnirdəki görüşləri təxirə salınıb.