“Bu hesabat ədalətli deyil və biz belə bir sənədi qəbul etməyəcəyik”. Bunu Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov qurumun qış sessiyası zamanı Azərbaycanda siyasi məhbuslara dair hesabatın müzakirəsi zamanı bildirib.
Politoloq Mübariz Əhmədoğlu Sputnik Azərbaycan-a deyir ki, tək AŞPA deyil, bir sıra başqa təşkilatlar da Azərbaycana qarşı hazırladıqları hesabatları Ermənistanın arzuladığı kimi qurur:
“Bizimlə qonşu olan digər Cənubi Qafqaz ölkələrində insan hüquqlarına qəsd olunur, amma Avropa təşkilatları bunu görmür. Bütün bu hesabatların Azərbaycana hər hansı təsiri yoxdur. Bununla Azərbaycanda nəsə dəyişəsi deyil. Azərbaycanın özünəməxsus idarəetmə sistemi və milli maraqları var”