BAKI, 2 yanvar – Sputnik. İranın şimal-şərqində Rixter cədvəli üzrə 5,8 bal gücündə zəlzələ baş verib.
Sputnik Azərbaycan xəbər verir ki, bu barədə İranın dövlət televiziyası məlumat yayıb. Bildirilib ki, zəlzələnin episentri Əfqanıstanla sərhəddə yerləşən Sanqan şəhərində yerin 8 kilometr dərinliyində yerləşib.
Dağıntı və tələfat barədə hələlik məlumat yoxdur. Bəzi mənbələr yeraltı təkanların təsir gücünün 6 bal olduğunu açıqlayıb. Bölgəyə çox sayda xilasedici cəlb edilib.
Məlumata görə, zəlzələ Əfqanıstanın bir çox vilayətində də hiss edilib.