BAKI, 30 dekabr — Sputnik. Rusiya Prezidenti Vladimir Putin Yeni il münasibətilə azərbaycanlı həmkarı İlham Əliyevi təbrik edib.
Bu barədə Sputnik Azərbaycan Kremlin rəsmi saytına istinadən xəbər verir.
Öz təbrikində Putin Rusiya-Azərbaycan münasibətlərinin yüksək səviyyədə olduğunu vurğulayıb. O, həmçinin Rusiya və Azərbaycanın birgə səylərlə strateji tərəfdaşlığın və konstruktiv qarşılıqlı fəaliyyətin gələcək inkişafını təmin edəcəyinə əminliyini bildirib.
"Bu inkişaf tam həcmdə hər iki ölkənin xalqlarının maraqlarına cavab verir, Cənubi Qafqaz və Xəzər dənizində təhlükəsizlik və sabitliyin möhkəmləndirilməsində rol oynayır," - deyə məktubda bildirilir.