BAKI, 22 dekabr — Sputnik. Bakıda bıçaqlanma hadisəsi baş verib.
Sputnik Azərbaycan “Report”a istinadən bildirir ki, hadisə Sabunçu rayonunun Ramana qəsəbəsində qeydə alınıb.
Kütləvi davada 1989-cu il təvəllüdlü Vəliyev Əli Cəmil oğlu, 1991-ci il təvəllüdlü Xəlilzadə Murad Məzahir oğlu, 1984-cü il təvəllüdlü Rzayev Vüsal Zöhrab oğlu bıçaqlanıblar.
Onlar dərhal xəstəxanaya yerləşdiriliblər. Həkimlərin müayinəsindən sonra Ə. Vəliyevə ciyər nahiyəsinə bıçaq yarası, M. Xəlilzadəyə sağ döş qəfəsinin deşilmiş yarası, V. Rzayevə isə sağ bud nahiyəsindən bıçaq yarası diaqnozu qoyulub.
Faktla bağlı araşdırma aparılır.