BAKI, 17 dekabr — Sputnik. 2020/2021 mövsümündə Azərbaycan Premyer Liqasında 10 komanda mübarizə aparacaq.
Sputnik Azərbaycan xəbər verir ki, bunu Peşəkar Futbol Liqasının prezidenti Ramin Musayev açıqlayıb.
İTV-də yayımlanan "Bol idman" verilişində qonaq olan Musayev Gəncənin "Kəpəz" komandası və "Turan Tovuz"un yenidən elitaya qayıdacağını bildirib: "Gələn mövsümdən Premyer Liqada 10 komanda olacaq. "Kəpəz"lə "Turan Tovuz" elitada çıxış edəcək".
Qeyd edək ki, AFFA-nın İcraiyyə Komitəsinin qərarı ilə Premyer Liqanın 2016/2017 mövsümündən etibarən ölkə çempionatı 8 komandanın iştirakı ilə keçirilir.