WADA (Ümumdünya Antidopinq Agentliyi) antidopinq qaydalarını pozmaqda ittiham olunan rusiyalı idmançıların sayı barədə informasiya dərc edib. Qurumun yaydığı hesabatda 45 belə idmançının 4 növü təmsil etdiyi açıqlanıb. Onlardan 41-i ağırlıqqaldıran, 2-si taekvondoçu, hərəyə 1-i güləşçi və kanoçidir.
İdman şərhçisi Sənan Şəfizadə Sputnik Azərbaycan-a deyir ki, WADA-nın qərarı idmançıların gələcək karyeralarına zərbə endirir: “Düşünürəm ki, rusiyalı idmançılar bu qərardan sonra beynəlxalq yarışlarda çıxış etməkdən imtina edəcəklər. Son 3-4 il ərzində WADA-nın verdiyi qərarlar dünyada idmanın inkişafını ləngidir, idmançıları hörmətdən salır. WADA-nın qərarları təəccüblüdür. Ya bu agentlik işini görə bilmir, ya da sifarişli qərarlar çıxarır. Bu qərarlar idmanı siyasiləşmiş bir sahəyə çevirir”.
Qeyd edək ki, dekabrın 9-da Rusiyanın beynəlxalq yarışlardan 4 il müddətinə kənarlaşdırıldığı bəyan olunub. Səbəb kimi Moskva Antidopinq Laboratoriyasının məlumatları saxtalaşdırması göstərilib.
Sənan Şəfizadənin geniş şərhinə audiofaylda qulaq asa bilərsiniz