BAKI, 28 noyabr — Sputnik. Macarıstan "Avroviziya-2020" musiqi yarışında iştirak etməmək barədə qərar qəbul edəcək. Bu barədə "The Guardian" nəşri öz mənbələrinə istinadən xəbər verir.
Mənbə qeyd edib ki, musiqi yarışmasından imtina etmək barədə rəsmi olaraq məlumat verilməyib, lakin hesab olunur ki, bu qərar LGTB-yə qarşı ritorikanın kəskinləşməsi fonunda qəbul olunub.
"Mən təəccüblənmədim. Bu MTVA-ya (Macarıstan İctimai Telekanalı) görə baş verir", - deyən mənbə qeyd edib ki, LGTB hüquqlarının pozitiv şəkildə işıqlandırılması media holdinqdə müsbət qarşılanmır.
MTVA nəşrin sorğusuna cavab olaraq bildirib k, 2020-ci ildə "Avroviziya" da iştirak əvəzinə qurum Macarıstan pop musiqisinin istedadları tərəfindən yaradılan dəyərli əsərləri dəstəkləyəcək.