BAKI, 22 noyabr — Sputnik. Azərbaycanı "Avroviziya-2008"də təmsil edən Samir Cavadzadə ilə Elnur Hüseynov on bir il sonra yenidən duet oxuyublar.
Sputnik Azərbaycan bildirir ki, bu dəfə onlar səhnədə deyil, Bakıda toyda çıxış ediblər.
Müğənnilər onlara böyük uğur gətirmiş "Day after day" mahnısını ifa ediblər.
2008-ci ildəki müsabiqədən sonra S.Cavadzadə və E.Hüseynov eyni səhnədə çıxış edərək bu mahnını ifa etməyiblər, amma 11 il sonra onu bəylə gəlinə hədiyyə etməyi qərara alıblar.
Elnur Hüseynov Azərbaycanı "Avroviziya" müsabiqəsində iki dəfə təmsil edən yeganə azərbaycanlı müğənnidir. 2008-ci ildə Samir Cavadzadə ilə "Avroviziya"da çıxış edərkən o, səkkizinci, 2015-ci ildə isə 12-ci yeri tutmuşdu. Hazırda solo karyerasına davam edir. Cavadzadə isə müsabiqədən sonra uzun fasilə verdi, indi isə yenidən səhnəyə qayıdır.